Малата Вида доби книги од „Слободен печат“, за маската „Младата новинарка“
Ветено, исполнето. Младата Вида, четвороодделенка од Основното училиште „Киро Глигоров“ од Скопје денеска доби комплет книги како знак на внимание од редакцијата на „Слободен печат“, за нејзината креативна првоаприлска маска „Младата новинарка“, целосно изработена од страниците на нашиот весник „Слободен печат“.
Вида ни кажа дека многу сака книги, но, не е сигурна дека сака да стане новинарка. Кратката прошетка низ нашата редакција можеби ќе ја убеди дека токму новинарството е нејзината идна професија. Мајката на Вида ни рече дека Вида на нејзината возраст има многу избори за тоа што сака да биде кога ќе порасне.
Во нивното семејство бабата на Вида е читател на весникот „Слободен печат“ и редовно го купува, а дури и ја научила Вида да чита на страниците на весникот, уште пред девојчето да тргне на училиште.
Маската „млада новинарка“ ќе добие комплет книги од „Слободен печат“