Победата во Данска во рамките од претквалификациите за ЕП 2025 беше важен момент и за Стојан Ѓуроски. Но освен тоа, македонскиот репрезентативец имаше уште една причина за задоволство.

Затоа што искусното крило стави крај на дилемите околу тоа каде ќе ја продолжи својата професионална кариера.

А од неколкуте понуди кои во текот на ова лето стигнаа на негова адреса, Ѓуроски одлучи да ја прифати онаа на шпанскиот Оуренсе, член на „ЛЕБ Оро“ лигата.

Станува збор за екипа од „ЛЕБ оро“ лигата, добро позната за 30-годишниот Ѓуроски, кој веќе има искуство со настапи во оваа конкуренција како играч на Хуеска, Mелила и Аликанте.

На клупски план ги бранеше и боите на Левски Софија (Бугарија), Работнички, Кожув, МЗТ Скопје Аеродром, Карпош Соколи, Блокотехна, АЛМ Евру Баскет (Франција) и Пелистер.