Македонските тенисери со победа го крунисаа 100 меч во Дејвис купот
Македонската Дејвис куп тениска репрезентација со победа ги почна натпреварите во годинашново издание од Третата Европска зона во групата „Б“ група од Дејвис купот. Во Ларнака, Кипар денеска во дуелот од 1 коло совладана беше Малта со 2:1, откако противникот водеше со 1:0. Така македонските тенисери со победа го одбележаа јубилејниот 100 меч во ова натпреварување.
Решавачкиот поен го обезбедија Калин Ивановски и Берк Бугариќ во двојки откако со 2:0 во сетови 6:4 и 6:4 за 1 час и 18 минути ги победија Алекс Дегабриеле и Лиан Деликата.
Првиот сет до 4:4 во гемови беше изедначен, а во деветтиот гем се играше најдолго вкупно 14 поени, а Ивановски и Бугариќ ја искористија четвртата сет топка, по која нашите тенисери поведоа со 5:4. Во следниот гем на свој сервис Македонија ја реализираше предноста и сетот заврши 6:4. Во вториот сет нерешено беше до 3:3 во гемови кога Ивановски и Бугариќ направија брејк за 4:3. Во следниот гем и спасија две брејк топки за водство од 5:3. Во 10 гем при 5:4 за Македонија првата меч топка нашите тенисери не ја реализираа поради двојна грешка, но следната значеше победа – 6:4 во сетот.
На мечот во двојки му претходеа двата сингл мечеви. Во првиот Малта поведе со 1:0 откако Дегабриеле го совлада Обрад Марковски во маратонски меч со 2:1 во сетови (7:3 во тај брејкот од решавачкиот сет). Во вториот меч Ивановски со 2:0 во сетови го победи Деликата.
Противникот утре ќе биде познат по завршувањето на мечот меѓу домаќинот Кипар и Молдавија, во кој Молдавија води со 2:0. Во мечот од „А“ групата Естонија ја совлада Црна Гора со 2:1.
Дејвис куп: Македонија во негатива по првиот меч против Малта
Дејвис куп: Ивановски донесе поен за израмнување против Малта