Денеска македонската машка кадетска репрезентација ја забележа и третата победа во групната фаза на Светското училишно првенство што се одржува во Скопје.

Играчите предводени од селекторот Горан Кузманоски славеа против репрезентацијата на Република Српска со резултат 27:25.

По првото полувреме нашите ракометни надежи имаа предност од 15:10.

Следниот меч Македонија ќе го има в недела од 12.30 часот против Саудиска Арабија во кој доволен ни е и бод за освојување на првата позиција во групата и пласман во полуфиналето.

Успешно продолжува и македонската женска кадетска ракометна репрезентација запишувајќи го и третиот триумф откако со 29:13 ја совлада Словачка.

По првото полувреме нашата селекција имаше водство од четири голови разлика (11:7).

Така, од првото место Македонија ќе оди во четвртфиналето, а таму в недела ќе се соочи со Бразил или Романија.