Денеска македонската женска кадетска ракометна репрезентација во четвртфиналето триумфираше над Бразил со резултат 19:18 на Светското училишно првенство што се одржува во Скопје.

Иако во текот на првото полувреме нашата селекција имаше негатива од 6:2, на паузата замина со минимално водство од 11:10.

Најефикасна во македонската репрезентација беше членот на ЖРК Вардар, Ања Лашкоска со пет погодоци.

Така, избраничките на селекторот Даниела Новеска обезбедија пласман во полуфиналето, а таму ќе играат против победникот од дуелот меѓу Турција и Србија.