Женската одбојкарска сениорска репрезентација на Македонија со пораз од Словенија, 0:3 (15:25, 10:25, 10:25) го заврши настапот во Европската лига 2026 пред својата публика во СЦ „Борис Трајковски“ во Скопје.

Македонските одбојкарки посилен отпор понудија единствено во првиот сет кога имаа и водство од 12:10, но Словенија со серија направи пресврт, а потоа и убедливо го освои сетот.

Во продолжението од натпреварот словенечките одбојкарки рутински си ја завршија работата.

Фасулева со седум и Милевска со шест поени беа најефикасни во нашата селекција.

Македонија настапот во Европската лига 2026 го завршува со шест порази во исто толку одиграни натпревари. Во конечниот пласман го освоивме последното 24 место без ниту еден освоен сет (0:18).

Резултатите на македонските одбојкарки во Европската лига 2026:

Македонија – Словенија 0:3
Хрватска – Македонија 3:0
Азербејџан – Македонија 3:0
Македонија – Шпанија 0:3
Португалија – Македонија 3:0
Македонија – Унгарија 0:3