Македонскиот фудбалер Константин Чешмеџиев ја продолжува интернационалната кариера, откако официјално стана нов член на исландскиот клуб Вестри.

Станува збор за екипа која се натпреварува во втората лига на Исланд и јасно ги најавува своите амбиции за пласман во најсилниот ранг на натпреварување.

Од Вестри потврдија дека Чешмеџиев пристигнува како ново засилување, а негов последен ангажман беше во босанскиот клуб Радник од Бијелина.

Македонскиот дефанзивец зад себе има богато меѓународно искуство, настапувајќи и во шампионатите на Саудиска Арабија, Албанија и Бугарија. Во домашното првенство, пак, го носеше дресот на Пелистер, Македонија ЃП, Брера, Шкендија, Шкупи и Гостивар.