На денешните ФИС трки во Телфс, Австрија, македонската скијачка Јана Атанасовска во слаломот блесна со два врвни резултати во исклучително силна меѓународна конкуренција и уште еднаш го потврди својот квалитет на европската сцена.

​Остварена победа и најдобар личен резултат – во втората трка нашата натпреварувачка доминираше и го освои првото место со 24,09 ФИС точки, што воедно е нејзин најдобар резултат во досегашната кариера. Резултати ТУКА

Одлично второ место – претходно, во првата трка, таа покажа сигурност и техничка прецизност освојувајќи го второто место со 25,34 ФИС точки.

​Овој успех е резултат на континуирана работа, дисциплина и јасна визија кон светскиот врв. Со вакви настапи, Атанасовска испраќа силна порака дека македонското алпско скијање незапирливо чекори напред кон најголемите светски успеси.

Скијачката федерација упатува честитки до Јана Атанасовска и нејзиниот тренер Александар Атанасовски – Чаве.