Петар Спасеновски се закити со бронза на Европското универзитетско првенство за боречки спортови во карате кое се организира во Загреб, Хрватска.

Македонскиот каратист во категоријата -84 кг. имаше шест борби, во полуфиналето загуби од Никола Маловиќ (Црна Гора) со 1:6, а во борбата за бронзениот медал со 7:1 триумфираше над Хрватот Леон Марциуш.

Претходно имаше четири победи остварени против Бјорн Куловуори (Финска) со 4:3, Рикардо Леите (Португалија) со 2:0, Ааро Туоминен (Финска) со 7:1 и Олександр Иниутин (Украина) со 2:1.

Медали обезбедија уште двајца членови на карате клубот „Макпетрол“, Петар Заборски в недела ќе се бори за златниот медал против Украинецот Костиантин Јаненко во категоријата -75 кг., додека Давид Петков освои бронза по победата против Матеј Хомола од Словачка со 3:2 во категоријата -67 кг.

Се собраа повеќе од 1.500 натпреварувачи од 395 универзитети од 30 европски земји. Во карате се натпреваруваат 132 каратисти од 16 земји.

Во текот на три натпреварувачки дена, ученици од цела Европа се натпреваруваат во карате, џудо, теквондо и кик бокс.

Резултатите од нашите каратисти на Европското универзитетско првенство можете да ги погледнете на следниот ЛИНК

фото извор: EUSA Combat 2023