Македонија со пет боксери на меѓународниот турнир во Будва
Националната боксерска федерација на Македонија ја информира јавноста дека нашата репрезентација ќе учествува на престижниот меѓународен боксерски турнир кој ќе се одржи во периодот од 14 до 22 март 2026 година во Будва, Црна Гора.
Препорачано
На овој силен меѓународен турнир, каде традиционално учествуваат боксери од повеќе европски и светски федерации, Македонија ќе ја претставуваат следните боксери:
– Ален Рустемовски – 60 кг
– Адријан Рустемовски – 60 кг
– Ружди Рустемовски – 65 кг
– Наум Стојаноски – 70 кг
– Никола Кисковски – 80 кг
Репрезентацијата ќе ја предводи тренерот Владимир Цекиќ. Дел од македонската делегација ќе биде и меѓународниот боксерски судија Петре Неделковски, кој ќе учествува во судискиот тим на турнирот.
Настапот на Montenegro Cup 2026 претставува важна можност за нашите боксери да стекнат меѓународно искуство, да ги тестираат своите способности против силна конкуренција и достојно да ја претстават Македонија на меѓународната боксерска сцена.
