Македонија се потпиша на Рамковната конвенција за вештачка интелигенција – се обврзуваме на безбедна и одговорна употреба
Македонија ја потпиша Рамковната конвенција на Советот на Европа за вештачка интелигенција (ВИ), со цел да се воспоставува принципи и стандарди за безбедна, етичка и одговорна употреба на вештачката интелигенција.
Препорачано
Конвенцијата, усвоена од Комитетот на министри во мај 2024 година, претставува прв обврзувачки меѓународен инструмент, а нашата држава со потпишувањето треба да воспостави јасни правила како, каде и колку да се користи, во согласност со принципите на човековите права, демократијата и владеењето на правото.
Министерот за правда Игор Филков истакна дека со Конвенцијата се воведуваат јасни гаранции дека вештачката интелигенција ќе се користи на начин кој го почитува човековото достоинство, еднаквоста и недискриминацијата, а граѓаните ќе имаат поголема заштита на приватноста и личните податоци, како и пристап до ефективни правни лекови доколку нивните права бидат повредени.
„Особено ја поздравуваме флексибилноста што Конвенцијата им ја овозможува на државите – да ги приспособат мерките во согласност со своите правни и институционални системи, а притоа да ги почитуваат универзалните стандарди. Ова е од клучно значење за ефективна имплементација и одржливи резултати“, истакна Филков.
Тој истакна дека технолошкиот развој мора да биде во служба на граѓанинот,а иновациите мора да бидат безбедни, етички и одговорни.
Во наредниот период ќе следува предратификациона анализа и процес на усогласување со националното законодавство, во кој ќе бидат вклучени релевантни институции, експерти и претставници на граѓанскиот сектор, со цел обезбедување квалитетна и сеопфатна имплементација на обврските што произлегуваат од Конвенцијата.
Употребата на вештачката интелигенција е актуелна низ целиот стар континент. Земјите членки на Европската Унија и преговарачите на Европскиот парламент деновиве се согласија да ги забранат апликациите со вештачка интелигенција што се користат за создавање сексуално експлицитни содржини (дипфејк) без согласност.
Оваа проблематика беше актуелна и со случајот во Италија, каде премиерката Џорџа Мелони го критикуваше ширењето на дипфејк фотографии направени со помош на ВИ, меѓу кои и една на која е прикажана во долна облека, откако сликите вирално се проширија на интернет.
