Македонската младинска ракометна репрезентација го претрпе и третиот пораз на Европското првенство за ракометари до 20 години, откако убедливо беше поразена од селекцијата на Данска со 34:20.

Данците уште од самиот почеток го наметнаа своето темпо и целосно ја контролираа играта. По првите 30 минути имаа сигурна предност од 15:8, а во второто полувреме продолжија со доминацијата и без проблеми ја заверија убедливата победа.

За македонските ракометари ова е трет неуспех на шампионатот, по претходните порази од Норвешка и Хрватска.