Англискиот премиерлигаш Манчестер јунајтед се откажа од ангажирање на играчот на Болоња, Марко Арнаутовиќ под притисок на навивачите, а посебно по мејлот што до клубот го Мајкл Дамевски.

Англиските медиуми пишуваат дека Дамевски во меилот адресиран до управата на Јунајтед се прашува како потпишувањето со Арнаутовиќ ќе се одрази на клупската политика за нулта толеранција кон расизмот.

Навивачот во меилот пишува дека Арнаутовиќ за време на Европското првенство што се одржа минатата година влезе во вербален дуел со македонскиот репрезентативец Езџјан Алиоски кого го навредувал на национална основа поради што доби суспензија од УЕФА од еден натпревар. Инцидентот се случи на натпреварот Австрија – Македонија (3:1).

Овој меил според „Атлетик“ натерал дел од управата да размисли за ангажманот на Арнаутовиќ, а по откако пристигнале и други мејлови од навивачите во кои се бара да не се реализира трансферот, Јунајтед се откажа од купување на играчот на Болоња.

За тоа колку Арнаутовиќ беше блиску до трансфер во Манчестер јунајтед доволно говори податокот дека клубот ги договорил личните услови со Арнаутовиќ, а подготви понуда тешка 8 милиони евра за Болоња, откако италијанскиот тим ја одби првата од 6,8  милиони евра.