Македонците блескаа во Унгарија: Два гола и асистенција за Марио Илиевски, еден гол на Бобан Николов
Maкедонските фудбалери имаа свој ден на натпреварот во Унгарија помеѓу Кишварда и Ујпешт во рамките од 17. коло во првенството.
Марио Илиевски и Бобан Николов беа творци на сите четири гола на Кишвардар во победата од 4:0. Младинскиот напаѓач беше стрелец на два гола и асистент за третиот, четвртиот со мајсторски волеј удар го постигна Николов кој во улога на асистент беше при првиот гол на Илиевски.
Натпреварот беше отворен уште во 34. минута кога по одличната акција и асистенцијата на Николов, Илиевски го отвори резултатот.
На стартот од вториот дел во 47. минута Илиевски асистираше на Навратил за 2:0. Само шест минути подоцна Илиевски го постигна својот втор гол за 3:0. По нешто повеќе од еден час игра Николов со волеј удар од 18 метри го постави конечниот резултат.