Кошаркарската легенда Мајкл Џордан донираше 10 милиони долари за изградба на две медицински клиники во сиромашните заедници во близина на неговиот роден град Вилмингтон, соопшти денеска регионалниот здравствен систем.

Клиниките „Новант Хелт“ се очекува да бидат отворени на почетокот на 2022 година, во округот Њу Хановер, лоциран на југоисточниот брег на Северна Каролина.

Џордан донираше седум милиони долари на Вилмингтон во 2017 година, кога исто така беа изградени две болници. Продолжува со неговата хуманитарна работа и огромните донации, а богатството на сопственикот на Шарлот Хорнетс се проценува на 2,2 милијарди долари.

– Вилмингтон има посебно место во моето срце и навистина ми е драго што можам да ѝ се оддолжам на заедницата што ме поддржуваше цел живот – рече Џордан.

Како играч одигра 15 сезони во НБА лигата и освои шест шампионски титули со Чикаго Булс.