Мајката на Ејми Вајнхаус ќе ги открие сите детали за животот на нејзината ќерка во новиот документарен филм на „Би-Би-Си“
Мајката на Ејми Вајнхаус, Џенис, ќе ја раскаже приказната на својата ќерка во новиот документарец на „Би-Би-Си“ наречен „Amy Winehouse: 10 Years On“, по повод 10-годишнината од смртта на ѕвездата.
Славната пејачка имаше само 27 години кога трагично почина во 2011 година поради труење со алкохол, а оваа година нејзината мајка Џенис одлучи за прв пат да ја раскаже целата приказна на својата ќерка, пренесува „Би-Би-Си“.
Џенис истакнува дека светот не ја знаел вистинската верзија на Ејми, поради што таа решила да открие работи од нејзиниот живот што јавноста не ги знаела до сега.
Мајката на Ејми, страда од мултиплекс склероза и затоа ќе ја раскаже целата приказна на својата ќерка со помош на останатите членови на семејството. Како што вели, поради болеста, не се сеќава најдобро на некои споени – а токму тоа била нејзината најголема мотивација за снимање документарен филм со „Би-Би-Си“ во кој ќе бидат прикажани досега невидени семејни снимки и архивски снимки од британската телевизија.
Со оглед на тоа што Ејми пред нејзината смрт не направила тестамент, нејзиното богатство кое се проценува над 5,3 милиони долари го наследиле нејзините родители. Нејзиниот поранешен сопруг, актерот Блејк Филдер-Цивил, со кого се раздели во 2009 година, не доби ништо.
Но, незадоволниот Блејк реши осум години по нејзината смрт да го бара својот дел од 1,8 милиони долари. Имено, тој истакна дека има целосно право да го направи тоа затоа што Ејми ги создала нејзините најголеми хитови додека биле заедно.
Бесчувствителното барање, како што го нарече јавноста, го шокираше семејството на Ејми, а многумина сè уште сметаат дека тој нема право на тоа, бидејќи нивната врска често беше претставувана како многу бурна.