Мајката и нејзината четиригодишна ќерка, државајнки на Србија кои биле задржани во болница во Солун, се полесно повредени по несреќата со глисерот во Ситонија на Халкидики, односно се наоѓаат вон животна опасност, јавуваат рчките медиуми.

Генералниот менаџер на болницата, Константин Емануилидис, изјавил дека тие не се животно загрозени, но се задржани во болница, пренесе АНА. Четиригодишното девојче при експлозијата добило повреди на градниот кош и абдоменот.

• ДРАМА НА СИТОНИЈА: Експлодирал глисер на кој биле петмина Срби

Како што додаде менаџерот на болницата, другата ќерка, која е на 7-годишна возраст, се здобила со модринки и е пуштена од болница.

Инцидентот се случи вчера на полна плажа на Ситонија, кога се запали чамец што пловел под српско знаме.

Сите членови на семејството најпрво биле сместени во локална здравствена установа, а потоа се префрлени во болница во Солун.