Поранешниот светски шампион во тешка категорија, боксерот Мајк Тајсон, наводно за време на посета на Белата куќа во ноември 2025 година, му предал на претседателот на САД, Доналд Трамп, писмо со барање за помилување на раперот Шон „Диди“ Комбс.

Диди беше осуден по две точки од обвинението за транспорт со цел проституција, пренесуваат американските медиуми.

Како што пренесува „Сан“, Тајсон го добил писмото од еден од блиските луѓе на Комбс, а извори блиски до боксерот тврдат дека истото тој лично му го предал на американскиот претседател за време на посетата на Белата куќа на 21 ноември.

 „Мајк имал состанок со еден од најблиските доверливи луѓе на Диди, кој му го предал писмото. Прашал за што се работи, а му било кажано дека тоа е писмо во кое Диди бара помилување од Трамп“, изјавил извор близок до Тајсон.

Изворот додава дека Тајсон бил воздржан и нервозен, но сепак се согласил да го пренесе барањето.

 „Рече дека го предал писмото на Трамп и направил точно она што луѓето на Диди побарале од него“, додал изворот.

Ниту претставниците на Шон Комбс, ниту тимот на Тајсон не ги потврдиле или демантирале овие тврдења.

Меѓутоа, Трамп потврдил дека го примил писмото од 56-годишниот музички продуцент и јавно соопшти дека Диди нема можност за помилување.

Според „Њујорк Тајмс“ Трамп не го покажал документот при разговорот со новинарите.

ВИДЕО | Објавен трејлерот за документарецот за Диди: Содржи снимки направени само шест дена пред неговото апсење

Адвокатите на Диди бараат итно ослободување од затвор и укинување на пресудата