Андреј Магдевски одговори на она што пред него го постави селекторот на најдобрата македонска кошаркарска репрезентација, Жозеп Марија Берокал, во победата над Азербејџан во Баку во претквалификациите за Евробаскет 2029.

Кога беше најпотребно, ја презема одговорноста, ја водеше играта на нашата селекција, кога стигна и најавата за пресвртот, и во играта и во резултатот.

– Лошо го отворивме натпреварот. Му дозволивме на противникот да постигне многу лесни поени и да разигра, особено нивниот најдобар играч. Сè се смени кога ја променивме нашата одбрана, почнавме да преземаме и успеавме да го „смириме“. Во нападот повеќе ја движевме топката, се боревме за секоја педа на теренот, и сметам дека заслужено победивме на крајот.

Оваа победа ќе ни ја крене самодовербата, не само пред завршните дуели од овие претквалификации, туку и во иднина, кога нè очекуваат уште потешки натпревари – рече искусниот кошаркар по завршувањето на средбата во Баку.

ФОТО: Македонија се врати од минус 18 во Баку и во финишот го скрши отпорот на Азербејџан