Некогашниот припадник на „Земунскиот клан“ Лука Бојовиќ (49), кој на 30 ноември минатата година беше депортиран од Шпанија, пред три недели ја напуштил Србија и заминал во непознат правец, пишуваат локалните медиуми.

На почетокот на февруари, Бојовиќ е виден на аеродромот „Никола Тесла“ како поминува низ пасошка контрола, но неговата крајна дестинација засега ја знаат само неговите најблиски членови на семејството и пријателите.

Според добро упатен извор, Бојовиќ бил виден на аеродромот во раните утрински часови, придружуван од маж кој носел хируршка маска на лицето.

Бојовиќ беше осуден на затворска казна во Шпанија откако беше уапсен во 2012 година, но во ноември, пред да ја одлежи казната, тој беше пуштен во невообичаена процедура, а шпанските власти го протераа во Србија.

Паника во српското подземје – се враќа мафијашот Лука Бојовиќ, по 10 години на робија во Шпанија