Заменик-претседателот на Владата задолжен за борба против корупцијата и криминалот, одржлив развој и човечки ресурси, Љупчо Николовски ја информира јавноста дека се тестирал за присуство на коронавирусот и дека тестот е негативен.

За време на сите мои активности, максимално и одговорно ги почитувам мерките за заштита на здравјето, вели Николовски.

-Но, поради природата на мојата работа се тестирав за ковид- 19 и тестот е негативен.
Да се чуваме и да ги чуваме сите околу нас. Да ги почитуваме мерките и да дадеме придонес во борбата против коронавирусот- напиша Николовски.

Неизвесно е дали Спасовски заразил некого од раководството на партијата, бидејќи во неделата СДСМ го одржа својот 25. Конгрес. Иако Конгресот беше онлајн, сепак партиското раководство беше во една просторија каде освен Заев, говореа и генералниот секретар Љупчо Николовски, но и Оливер Спасовски.

Доцна синоќа министерот за внатрешни работи Оливер Спасовски информираше дека е позитивен на ковид-19. Инаку, во тек е епидемиолошка анкета за контактите кои министерот за внатрешни работи, Оливер Спасовски ги имал деновиве. 

– Напоменуваме дека сите контакти на министерот Спасовски биле со почитување на мерките за физичко растојание, носење заштитна маска и избегнување на групирања. Во однос на прашањето за контакти во Владата, потсетуваме дека седниците се одржуваат преку видео-конференциска врска, велат од владината прес-служба.

Се спроведува анкета за контактите кои ги имал Спасовски