Синоќешните бројки се показател и аларм за презентација на натамошните мерки и програмски определби до следниот круг и парламентарните избори – вели Сања Лукаревска, носител на листата во третата изборна единица. Наспори неа, носителот од ВМРО-ДПМНЕ, Драган Ковачки вели дека резултатите од првиот круг на претседателските избори, ќе се пресликале на 8 мај.

„Ќе тропнеме на секоја врата и да поразговараме повторно со граѓаните како и до сега да ги слушнеме критиките, за да видиме што го предизвика нивниот револт. Можеби 8 Мај ќе даде можеби поинаков распоред на силите. Ако сакаме да се стремиме кон правда и правичност европските вредности тоа ќе ни го овозможат. Потфрливме во кадровските политики. Не смееме да дозволиме Претседател на државата да се избира во Собрание. На 8 Мај ќе ги видиме изборните комбинаторики, секоја опција што ги дели нашите определни е добредојдена. Ако ја црпиме моќта од граѓаните, мора да сме внимателни на наративот и да не предизвикуваме иритации кон било кој во нашата државата.Збор по збор се гради тврдина, не камен по камен, со биквити, кекси и млеко не покажуваме ни најмала пристојност кон електоратот што треба да не’ избере“, рече Лукаревска во Само вистина на Канал 5.

Ковачки вели дека Промените тргнале вчера и ќе биле потврдени на 8 мај.

„Пендаровски е поразен со повеќе гласови отколку што ги освои. Промените се можни и тргнаа вчера, на 8 Мај ќе бидат потврдени, СДСМ ќе го трча последниот круг. Подадовме рака на секој субјект и повикавме на државно обединување за да се стави крај на криминалот, корупцијата и распродавањето на националните интереси. ДУИ може да повикува на бојкот, но како НАТО членка не смее да се остави државата без врховен командант. Не земајќи ве вас предвид листата ви е за спас и за имунитет, на дел од криминалците што и нанесоа штета на Макаедонија, а тоа се претмина кои и ќе влезат од листата на ИЕ 3. Набројте една инвестиција во источна Македонија, кога ВМРО-ДПМНЕ ќе стави нешто на хартија тоа го реализира“, рече Ковачки во Само вистина на Канал 5.