ЛШ: Тежок пат за Јувентус и Барса, Аталанта на ПСЖ!

фото: твитер

Со ждрепка во Нион беа извлечени паровите од четвртфиналето во Лигата на шампионите, без сомнение пред нас се спектакуларни натпревари.

Во првото четвртфинале ќе се сретнат победниците од двомечот Реал Мадрид-Манчестер сити (прв меч 1:2) и Олимпик Лион-Јувентус (1:0), што значи дека постои шанса Кристијано Роналдо да игра против своите „кралеви“.

Во второто четвртфинале ќе играат Лајпциг и Атлетико Мадрид, додека во третото можна е пресметка помеѓу Барселона и Баерн Минхен, доколку Каталонците претходно го елиминираат Наполи на Елиф Елмас (0:0), а Баварците го одбрани резултатот од 3:0 против Челси.

Во последната четвртфинална средба силите ќе ги одмерат екипите на Аталанта и ПСЖ.

Потсетување дека „Фајнл ејт“ ќе се одржи во Португалија, откако претходно пандемијата на коронавирус ја запре ЛШ уште во март.

На 8 август ќе се одиграат преостанатите четири реванш осминафинални дуели и тоа во градовите домаќини доколку за тоа има услови, а ќе се сретнат Манчестер сити-Реал Мадрид, Баерн-Челси, Јуве-Лион и Барселона-Наполи.

Победниците од тие натпревари ќе им се приклучат на Аталанта, Лајпциг, ПСЖ и Атлетико на завршниот турнир од 12-23 август во Лисабон.

Лига на шампиони

Парови, четвртфинале:
Реал Мадрид / Манчестер Сити – Лион / Јувентус
РБ (Лајпциг) – Атлетико Мадрид
Наполи / Барселона – Челси/Баерн
Аталанта – ПСЖ

Парови, полуфинале:

Победник четвртфинале 1 – Победник четвртфинале 3
Победник на четвртфинале 2 – Победник на четвртфинале 4

Финале:
Победник полуфинале 2 – Победник полуфинале 1

Клучни датуми:
1/8-финале, реванш: 7-8 август
1/4-финале – 12-15 август
1/2-финале – 18-19 август
Финале – 23 август

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот