Со жрепка во Виена беа одредени полуфиналните двојки на Фајнал-фор турнирот во Лигата на шампионите кој ќе се одржи на 18 и 19 јуни во Ланксес арената во Келн, Германија.

В сабота на 18 јуни актуелниот шампион Барселона ќе ги одмери силите против Кил, а Веспрем на македонскиот репрезентативец Дејан Манасков за ривал го има полскиот Кјелце.

Поразените на 19 јуни ќе играат за третото место, а победниците истиот ден ќе играат за титулата.

Барса во меѓусебните дуели има 14 победи, три повеќе од Кил, а две средби завршиле нерешено. Каталонците кои се најтрофејни имаат 10 титули, петпати беа финалисти, а Кил има четири европски титули, последен пат на тронот се искачи во 2020 година.

Веспрем досега четирипати успеа да се најде во финалето, но ниту еднаш не го вкусил трофејот. Кјелце во своето единствено финале во ЛШ триумфираше во 2016 година токму против Веспрем.

𝐓𝐇𝐄 𝐄𝐇𝐅 𝐅𝐈𝐍𝐀𝐋𝟒 𝐈𝐒 𝐁𝐀𝐂𝐊 with two amazing Semi-finals!!🏆 Pack your bags and prepare for the show! Who do you see lifting the trophy = ____________? 🤩

🎫 Get your tickets now: https://t.co/NtOeMJCDRS#ehfcl #ehffinal4 #showtimeforehffinal4 pic.twitter.com/BRjv1PTLfp

— EHF Champions League (@ehfcl) May 24, 2022