Новак Ѓоковиќ имаше лош ден на Олимписките Игри денеска губејќи во двата полуфинални меча на тенискиот турнир, Прво Ѓоковиќ загуби од Александар Зверев во машкото полуфинале, а неколку часа подоцна е поразен и на турнирот во мешани двојки. Новак заедно со Нина Стојановиќ се поразени од Русите Елена Веснина и Аслан Карацев со 7:6,7:5.

Првиот сет помина во возбудлива игра, Русите прво направија брејк во третиот гем, но Ѓоковиќ и Стојановиќ во наредниот направија рибрејк. Потоа немаше брејкови, а во тај брекот, подобра беше руската двојка која слевеше до 7:4 во поени.

Во вториот сет, Ѓоковиќ и Стојановиќ поведоа со 2:0 и предноста ја одржуваа до осмиот гем кога Карацев и Веснина направија брејк за 4:4, а потоа и поведоа со 6:5. Стојановиќ не успеа да го зачува сервисот во 12 гем и рускиот тандем обезбеди пласман во финалето. Во натпреварот за третото место Ѓоковиќ и Стојановиќ ќе играат против Ешли Барти и Џон Пирс од Австралија, додека финалето ќе биде руско.
Веснина и Карацев за златниот медал ќе играат против Анастасија Пављученкова и Андреј Рубљов.