Во дербито на Лондон на „Стемфорд Бриџ“, Челзи и Арсенал одиграа напнат натпревар кој заврши 1-1. Средбата понуди борбена и динамична игра, особено по исклучувањето на Каиседо во 34. минута, кое го промени текот на натпреварот.

Челзи започна поактивно и создаде неколку шанси, но Арсенал, иако претпазлив во првото полувреме, го зголеми притисокот откако на теренот имаа играч повеќе. Во второто полувреме Тревор Чалоба донесе водство за „сините“ со гол со глава по корнер на Рис Џејмс. Арсенал брзо израмни преку Мерино, кој искористи совршен центаршут на Букајо Сака.

Дуелот продолжи со високо темпо и борбена игра, а Челзи, и покрај играчот помалку, ја одржуваше рамнотежата на теренот. Арсенал имаше повеќе посед и шанси, но Санчез и Раја беа на висина на задачата.

На крајот, по еден бод за двата тима – резултат кој ја одразува тесната и неизвесна игра на теренот.

Преземено од: Sport.com.mk