Основното јавно обвинителство Скопје соопшти дека повело постапка против насилникот кој пред неколку дена ја претепа поранешната девојка и ја исфрли од автомобил на бетонска површина. Тој ќе одговара за нанесување телесна повреда, откако на 4 јануари ја навредувал и ја тепал жената.

„Осомничениот, во напад на љубомора, повеќепати ја удирал жената по главата и телото, по што насилно ја исфрлил од својот автомобил и ја турнал на бетонот меѓу заштитните столбчиња на коловозот. Настанот бил пријавен од минувач, а оштетената била пренесена во болница за укажување лекарска помош“, велат од ОЈО.

Обвинителите сепак не барале притвор за осомничениот, туку само мерка на претпазливост – забрана за приближување и остварување каков било контакт со оштетената во текот на постапката.

Загина работник од Дебар, паднал од зграда додека местел прозорци