Жител на Дебар денеска загинал додека работел на станбена зграда во изградба. Тој го успеал да го преживее падот, но починал од тешите повреди на пат кон дебарската болница, велат од МВР.

„Денеска околу 11:35 часот во Одделението за внатрешни работи, од Итна медицинска помош е пријавено дека на пат кон болницата во Дебар починал К.С. (40) жител на градот. Според пријавеното, околу 11:15 часот тој паднал од зграда во изградба на улица „Братство единство“ во Дебар, каде што работел, и на пат кон болницата починал“, изјави портпаролот на СВР Охрид, Стефан Димоски.

На местото на настанот излегле јавен обвинител и трудов инспектор, а увид извршила екипа од ОВР Дебар. Според информации од жители на Дебар, станува збор за нивен сограѓанин кој работел на поставување врати и прозорци на објектот.