Такуми Минамино денеска и официјално треба да потпише договор со европскиот шампион, Ливерпул. Одличниот јапонски фудбалер веќе се наоѓа во Англија каде во текот на денот треба да ги помине лекарските прегледи и да потпише договор со „црвените“.

Минамино од 1 јануари идната година ќе биде член на лидерот на Премиер лигата, а трансферот ќе изнесува 10 милиони евра. Токму толку изнесува откупната клаузула на Минанимо со Салзбург.

Младиот 24-годишен офанзивен фудбалер ги воодуше сите со своите игри сезонава, а посебно импресивен беше на првата средба помеѓу Ливерпул и Салзбург, по што менаџерот на „црвените“, Јирген Клоп инсистираше на реализација на трансферот.