„Little Mix“ официјално се најуспешната група во музичката историја на Велика Британија, откако нивниот последен сингл за многу кратко време се најде на врвот на сите плеј листи.

Нивната нова песна  „Sweet Melody“ се искачи на првото место на „The Official Big Top 40“ оваа недела во Велика Британија.

Ова е шести број еден на „Little Mix“ по нивното формирање во шоуто „X Factor“ во 2011 година. Фактот дека имаат повеќе број еден хитови од која било друга група или бенд во Велика Британија им донесе неверојатна слава која почнува да се шири низ цел свет.

Групата ја сочинуваат четирите девојки Џејд Тирвол, Пери Едвардс, Ли-Ен Пинок и Џеси Нелсон.

„Little Mix“ минатата недела го издадоа својот шести студиски албум насловен „Confetti“.  Нивниот прв број еден хит беше песната „Wings“ објавена во 2012 година, а три години подоцна  следеше песната „Black Magic“.

Веќе следната година тие беа на првото место на топ листите со „Shout Out To My Ex“ во 2018 година а потоа и со песната „Woman Like Me“ во која гостуваше и Ники Минаж.

Очигледно е дека овие девојки работат напорно во обидот да ја прошират својата „таргет група“ на слушатели и обожаватели.