Италија е најзагрозената европска земја од коронавирусот, во моментов се регистрирани 7.375 случаи на лица заболени од коронавирусот, а се починати дури 366 лицa, од кои 133 само во текот на вчерашниот ден.

Се повеќе луѓе сметаат дека треба да се прекинат фудбалските натпреварувања во Италија, а еден од нив е и поранешниот селектор на „аѕурите“, Марчело Липи.

– Време е за носење на сериозни одлуки. Мислам дека најисправна одлука е да се запре првенството. Во Италија има многу луѓе што се заразени од коронавирусот и се мора да се запре. Фудбалерите не смеат ниту да тренираат – изјави Липи.

Натпреварите од 26. коло до Серија А се играа пред празни трибини поради одлуката на италијанската влада која наложи до 3. април сите натпревари да се играат без гледачи.

Одлуката може да биде и променета, доколку се влоши состојбата со епидемијата на коронавирусот, Владата може да донесе одлука да бидат прекинати или суспендирани сите спортски натпреварувања.