Американската скијачка Линдзи Вон имаше спектакуларен настап на првата трка во спуст од новата сезона на Светскиот куп, триумфирајќи со време од 1:29,63 минути. Вон, која има 41 година, ја забележа 83. победа во кариерата и стана најстарата победничка во историјата на ова натпреварување.

Легендарната американка беше најбрза во долниот дел од патеката, достигнувајќи брзина од 119 км/ч, и го однесе првото место во Светскиот куп по 2018 година. Второто место го освои Магдалена Егер, а Миријам Пухнер заврши како третопласирана.

Вон се врати на патеките по петгодишна пауза, натпреварувајќи се со титаниумска протеза во коленото. Следниот спуст е закажан за утре, повторно во Сент Мориц, додека во вкупниот пласман води Микаела Шифрин.

Преземено од: Спорт.ком.мк