Американскиот рапер Лил Вејн (38) и неговата сега веќе поранешна девојка Денис Бидот (34) раскинаа, наводно затоа што тој јавно го поддржува сеуште актуелниот претседател на САД, Доналд Трамп (74).

Имено, „плус сајз“ моделот не го поддржува републиканскиот кандидат на претседателските избори во Америка, па таа му замерила на своето момче што е симпатизер на Трамп.

– Таа раскина со Вејн. Не само поради поддршката на Трамп, туку тоа само дополнително играше голема улога во прекинувањето на нивната врска – изјави изворот за странските медиуми.

Денис наводно била многу шокирана кога видела дека раперот го поддржува Трамп, па била ужасно разочарана и тоа довело до голема кавга, а потоа и до раскинување.

Да се потсетиме, Лил Вејн јавно го поддржа претседателот Трамп и ја пофали неговата работа за реформите во судството, како и другите резултати што ги постигна за време на неговиот мандат.

Кога Вејн се фотографирал и ја објавил фотографијата со сегашниот претседател, 50 Сент ја прокоментирал објавата и напишал,

– Не би го сторил тоа, напиша Фифти, а потоа ја реобјави сликата со Трамп и Лил Вејн и беше јасно дека станува збор за шега.