Од седми до десети септември во Кавадарци ќе се одржи традиционалната стопанско-туристичка и културна манифестација „Тиквешки гроздобер“. Локалната самоуправа одобри 5.300.000 денари, а другите средства планирано е да се обезбедат од спонзори и донатори на фестивалот.

Богатата програма за оваа манифестација го вклучува настапот на легендарната српска пејачка Лепа Брена. Меѓу останатите изведувачи ќе бидат и Халид Бешлиќ, Дарко Лазиќ и групата „Хурикејн“, а ќе има и изведувачи од македонската музичка сцена.

Во програмата е предвидено и карневалско дефиле, културни настани, изложба на олдтајмери, мото рели, таблијада, огномет,кој се составен дел на „Тиквешки гроздобер“ а манифестацијата ќе се одржи од седми до десетти септември. Ќе бидат презентирани тиквешка традиционална храна, како и вино, ракија, маџун.