Министерството за внатрешни работи информираше дека дојавата за поставена експлозивна направа во ТЦ „Сити мол“, која попладнево предизвика вознемиреност, паника и страв кај граѓаните и посетителите, била лажна.

По извршените проверки од страна на стручните служби на МВР било констатирано дека во објектот не била пронајдена експлозивна направа, ниту друг сомнителен предмет.

– Денеска 25.04.2026 на електронска адреса на Министерството за внатрешни работи беше добиена порака со закана дека во трговскиот центар „Сити мол“ во Скопје се поставени експлозивни направи.  Веднаш по добиената пријава беа преземени  соодветни мерки и активности од страна на полициски службеници во внатрешноста и околу објектот, при што е утврдено дека станува збор за лажна дојава за поставени бомби – информираше полицијата.

ФОТО | Евакуирани сите присутни во „Сити мол“ по закана за поставени експлозивни направи во објектот