Кубанската вакцина Соберана 2 покажа ефикасност од 91,2 отсто
Според истражувањата спроведени во Куба, лекарите тврдат дека нивната вакцина Соберана 2, со засилувач наречен Соберана Плус, покажала ефикасност во 91,2 отсто од случаите. Вакцината Соберана 2 се прима во две дози.
Минатиот месец, другата кубанска вакцина Абдала покажа ефикасност од 92,28 проценти.
Кубанскиот сектор за биотехнологија има долга историја на развој на вакцини, произведувајќи 80 проценти од вакцините кои се користат во земјата и се извезуваат.
Куба е првата карипска земја која успешно разви вакцина против коронавирусот. Куба инаку, е позната по својата развиена медицина.
На Куба се развиваат пет вакцини против ковид-19, а се очекува Абдала и Соберана 2 да бидат одобрени на локално ниво, за да може Светската здравствена организација да ги користи.