Кристал палас и Рајо Ваљекано в среда ќе играат за титулата во Конференциската лига
Фудбалерите на Кристал палас и Рајо Ваљекано во среда, 27 мај, од 21.00 часот во Лајпциг, Германија, ќе играат во финалето на Конференциската лига.
Препорачано
Англискиот клуб ги освои трофеите во ФА Куп и Комјунити Шилд во 2025 година. Овие два трофеи се единствените во историјата на Кристал палас. Учеството во Конференциската лига оваа сезона е втор настап на Кристал палас во историјата на европските натпреварувања, лондонскиот клуб играше во Интертото Купот во 1998 година, а беше елиминиран во третото коло од Самсун.
Кристал палас требаше да игра во Лигата на Европа оваа сезона како победник на англискиот ФА Куп. Сепак, Европската фудбалска асоцијација (УЕФА) одлучи да го префрли англискиот клуб од Лигата на Европа во Конференциската лига поради прекршување на правилата за сопственост. Кристал палас го заврши лигашкиот дел од Конференциската лига на 10 место на табелата, а потоа ги елиминираше Зрињски, АЕК Ларнака, Фиорентина и Шахтјор Доњецк на патот до финалето.
It’s #UECLfinal week! 🤩 pic.twitter.com/8jzQTBs66u
— UEFA Conference League (@Conf_League) May 25, 2026
On location at Leipzig Stadium 🏟️#UECLfinal pic.twitter.com/XSCRn5jWyj
— UEFA Conference League (@Conf_League) May 25, 2026
Фудбалерите на Кристал палас за прв пат во својата историја стигнаа до финалето на европско клупско натпреварување. Сезоната во Премиер лигата ја заврши на 15 место на табелата со 45 бода.
Рајо Ваљекано, кој беше еден од ривалите на тетовска Шкендија сезонава, го постигна најголемиот успех во историјата на клубот. Шпанците беа петтопласирани во лигашкиот дел, а потоа ги елиминираа Самсун, АЕК Атина и Стразбур на патот до финалниот меч. Шпанскиот клуб игра во европските клупски натпреварувања по втор пат оваа сезона. Во сезоната 2000/2001 играше во тогашниот Куп на УЕФА и стигна до четвртфиналето каде што беше елиминиран од Алавес. Ја заврши сезоната во шпанското првенство на осмото место на табелата со 50 бода.
УЕФА го назначи Италијанецот Маурицио Маријани за главен судија на натпреварот помеѓу Кристал палас и Рајо Ваљекано. Победникот ќе игра во Лигата на Европа следната сезона.
