Манекенката Криси Тиген кон крајот на септември минатата година ја објави тажната вест дека поради компликации во бременоста го загубила бебето, на кое таа и сопругот Џон Леџенд планирале да му го дадат името Џек. Во саботата Криси повторно се присети на синот, со трогателна објава на Инстаграм.

„Можам цел ден да бидам насмеана, но во мислите ми е денот кога  требаше да се  родиш“ – напиша таа на Инстаграм, а на стори објави фотографија од својата рака на која има три нараквици со имињата на децата. Покрај Луна Симон и Мајлс Теодор, на раката има и нараквица со името Џек.
„Денес беше твојот термин за раѓање. Засекогаш ќе те сакаме“ – напиша Криси.

 

View this post on Instagram

 

A post shared by chrissy teigen (@chrissyteigen)

Откако во 20-та недела го изгуби синот Џек, Криси беше многу отворена во врска со својата тага и болка, а неодамна  се појави во емисијата  на  Елен Деџенерис, зборувајќи за тоа како губењето на бебето било трансформативно искуство. Воедно изјави дека поддршката од луѓето која ја добиле им помогнала многу.
–  Нашата загуба беше многу јавна, и многумина ни дадоа поддшка. Навистина стекнувате неверојатна колучина емпатија. Мислам дека сум многу подобра личност- изјави Криси.