Кренке ја извади „змијата од џебот“, буџетот од 120 милиони евра на Арсенал му гарантира пет страшни засилувања
Џош Кренке го убеди својот татко Стен да обезбеди поголем буџет за засилувања со кои Арсенал би се вклучил во трката за титулата.
Синот на сопственикиот на Арсенал, Џон Кренке, му вети на тренерот Микел Артета дека ќе добие буџет од 120 милиони евра за да ја засили екипата. По триумфот во ФА купот пораснаа апетитите кај „топчиите“ и сакаат во наредната сезона да се вклучат и во трката за засилувања, а за тоа ќе биде потребно тимот да се засили со пет квалитетни фудбалери.
Арсенал веќе ја заврши работата со Вилијан, Бразилецот ќе потпише тригодишен договор со кој ќе заработи нешто повеќе од 17 милиони евра.
Нареден на списокот на Желби на Артета е играчот на Атлетико Мадрид, Томас Парти, веќе се остварени првични контакти со шпанскиот тим откако самиот фудбалер одби да потпише нов договор и побара да биде продаден на Арсенал.
Парти во средниот ред треба да игра заедно со Дани Себаљос кој и во наредната сезона ќе остане во лондонскиот тим на позајмица, а ова значи дека Матео Гендузи и Лукас Тореира и дефинитивно се отпишани.
Одбраната треба да биде засилена со Бразилецот Габриел од Лил кој е на радарот и на Ливерпул и на Челси. Предноста на Арсенал е во тоа што Артета му гарантира на Габриел дека ќе биде стандарден првотимец, за разлика од Челси и Ливерпул каде ќе треба да се бори за своето место.
Како шлаг на тортата во летниот преоден рок треба да биде трансферот на Фелипе Кутињо од Барселона. „Топчиите“ ќе се обидат да ја намалат сумата која треба да ја платат со тоа што во трансферот ќе го вметнат Гендузи за кого сериозен интерес пројавува каталонскиот тим. Идејата на Арсенал е да го позајми Кутињо за наредната сезона со задолжителен откуп на договорот во 2021 година.
Доколку се реализираат трансферите на Парти, Габриел и Кутињо, Арсенал во наредната сезона ќе има сериозен тим со кој ќе се вклучи во трката за титулата во Премиер лигата.