Купувачите се прилично пребирливи кога избираат кое млеко да го додадат во својата корпа за купување.

Додека кравјото млеко останува омилено во Велика Британија, сите големи трговци на мало нудат низа алтернативи без млеко, како што се овес, соја и бадем.

Но, со сите овие опции, може да биде тешко да се избере најдобрата за вашето здравје.

Д-р Двејн Мејлор, еден од водечките британски истражувачи за исхрана, рекол за „Дејли мејл“ дека кравјото млеко е она кое нуди најмногу хранливи материи, протеини и природни шеќери.

Додека многумина се префрлаат на млеко од растително потекло како дел од веганската исхрана, наведувајќи здравствени, етички или еколошки причини, на оваа опција ѝ недостасуваат витални витамини, рекол тој.

Многу алтернативи на млеко од растително потекло, како што се бадемовото, соионото и овесното млеко, содржат помалку витамини од кравјото млеко, освен ако не се збогатени.

Кравјото млеко е најкалорично, но природно содржи и повисоки нивоа на калциум, протеини, витамин Б12 и јод.

Полномасното кравјо млеко има повеќе калории и заситени масти отколку алтернативите врз растителна база, со 132 калории и 4,8 грама заситени масти на 200 милилитри.

Меѓутоа, полуобезмастеното кравјо млеко, најпопуларниот избор во Англија, има нешто помалку, со 100 калории и 2,2 грама заситени масти на 200 милилитри.

Млечните производи сочинуваат околу една четвртина од заситените масти во исхраната на луѓето во Велика Британија. Премногу консумирање го зголемува ризикот од висок холестерол и срцеви заболувања.

Затоа на жените им се советува да го ограничат внесот на 20 грама дневно, додека мажите не би требало да имаат повеќе од 30 грама, велат здравствените експерти.

Растителното млеко содржи дел од заситените масти кои се наоѓаат во кравјото млеко и може да има само половина од калориите.

Бадемовото млеко содржи 0,2 грама заситени масти и само 50 калории на 200 милилитри.

Слично на тоа, млекото од соја содржи 0,6 грама заситени масти и 84 калории, додека овесното млеко содржи 0,4 грама заситени масти и 94 калории во иста количина.

И покрај тоа, експертите велат дека кравјото млеко е всушност најздраво. Тоа е затоа што на растителните опции им недостасуваат витални хранливи материи.

Кравјото млеко содржи калциум, кој е клучен за здрави коски и заби и протеини потребни за раст и развој. Исто така, има витамин Б12, кој му помага на телото да создава црвени крвни зрнца и јод, кој помага во создавањето на важни хормони на тироидната жлезда.

Алтернативите од растително потекло може да содржат помалку хранливи материи, освен ако не се збогатени.

Д-р Мајлор, регистриран диететичар во Медицинскиот факултет Астон во Бирмингем, рекол дека „можеби најголемата разлика во исхраната лежи во витамините и минералите“.

Иако многумина ќе имаат додаден калциум, нивоата на витамин Б12 и јод значително варираат во зависност од тоа колку е збогатена алтернативата на растително млеко.

„Важно е внимателно да се проверат органските верзии бидејќи тие обично имаат најниско ниво на збогатување со овие клучни витамини и минерали“.

„Кравјото млеко исто така е преполно со повеќе протеини отколку опциите без млечни производи, со 7,2 грама во полуобезмастено и седум грама во порција од 200 милилитри со полномасни опции“.

Додека една шолја млеко од соја содржи околу 6,5 грама, бадемовото и овесното млеко имаат само околу еден грам протеини.

Ова значи дека некои опции едвај придонесуваат за препораките за дневен внес на протеини за луѓето секојдневно да консумираат 0,75 грама протеин по килограм телесна тежина.

Според оваа равенка, на просечна жена и се потребни 45 грама, додека на просечен маж 55 грама.

Покрај тоа, шеќерите во кравјото млеко се исто така подобри за вас, вели д-р Мејлор.

Додека млечната опција има околу девет грама шеќер на чаша од 200 милилитри, а опциите на растителна основа се движат од околу нула до шест грама, шеќерот во млекото, кој се вика лактоза, е природен.

Д-р Мејлор рекол дека шеќерот во кравјото млеко е само лактоза, кој бавно се вари, додека алтернативите на растителното млеко може да се засладат со овошен сок или со додаток на шеќер.

„Додадените шеќери имаат тенденција да се варат побрзо и токму поради тоа се сметаат за помалку здрави“, објаснил тој.