Напаѓачот на Реал Мадрид, Карим Бензема би можел да се врати во француската репрезентација пред Европското првенство кое ќе стартува следниот месец, пренесува „Л`Екип“.

Ваквата можност се најавува пред објавувањето на списокот играчи на кои ќе смета актуелниот светски шампион на ЕП.

Бензема не е член на „триколорите“ од 2015 година – тогаш беше отстранет поради секс скандал и уцените кон неговиот колега од националниот тим, Матје Валбуена.

Тренерот Дидие Дешан инсистираше во претходните години дека неговото мислење за настапот на Бензема во националниот тим не е променето, и покрај одличните настапи на офанзивниот играч во редовите на Реал.

👏 Well done Karim! 👏
🔝🇫🇷 @Benzema has won the Best French Player Playing Abroad award!
📈 2020/21: 29 goals & 8 assists#RealFootball pic.twitter.com/e8MgaQlZno

— Real Madrid C.F. 🇬🇧🇺🇸 (@realmadriden) May 18, 2021

„Л’Екип“ наведува дека неколку истакнати фудбалски работници во Франција разговарале со Дешан, вклучувајќи го и Арсен Венгер и дека успеале да го убедат тренерот повторно да го покани Бензема.

Франција ќе го започне походот кон обединување на титулите светски и европски шампион од групата „Ф“, т.н. „Група на смртта“, во која покрај Франција се и Португалија, Германија и Унгарија.

Бензема (33) е репрезентативец од 2007 година, а досега постигна 27 гола на 81 натпревар во националниот дрес.