Традиционалниот „Боксинг деј“, кој со децении претставува вистински фудбалски празник за англиските навивачи, оваа година ќе изгледа сосема поинаку. Наместо ден преполн со премиерлигашки возбудувања и голови, на 26 декември ќе се одигра само еден натпревар, нешто што досега не се случило во модерната ера на англискиот фудбал.

Според англиските медиуми, густите распореди и обврските кон телевизиските права ја „пригушија“ традицијата. Бидејќи „Боксинг деј“ оваа година се паѓа во петок, Премиер лигата ќе го третира како обичен натпреварувачки ден, без целодневна фудбалска програма каква што навивачите се навикнати да гледаат.

Лигата мора да испочитува 33 викенди во сезоната резервирани за преноси и распоредот едноставно не дозволува сите натпревари да се одиграат на истиот ден. Затоа, натпреварите ќе бидат распределени низ викендот, како во секое друго коло.

Иако постои надеж дека во последен момент би можеле да се направат промени, извесно е дека оваа година традицијата ќе биде прекината, „празникот на фудбалот“ на 26 декември ќе донесе само еден премиерлигашки дуел.

Преземено од: Спорт.ком.мк