Костенот е витаминска бомба, ја подобрува работата на мозокот и го зајакнува имунолошкиот систем
Покрај тоа што важи за вкусен есенски плод, костенот содржи поголеми количества витамини, минерали и антиоксиданти, кои спречуваа појава на одредени посериозни заболувања.
Полека но сигурно доаѓа сезоната на костени. Овој плод е многу вкусен и здрав. Во својот состав содржи поголеми количества витамини, минерали и антиоксиданси кои спречуваа појава на одредени посериозни заболувања.
Со што се е богат костенот
Костенот содржи најмногу јаглехидрати (околу 43 отсто скроб и околу 4 отсто шеќер), протеини, малку масти и растителни влакна. Богат е со витамини од Б групата, провитамин А и витамин Ц. Од минералите се присутни калиум, калциум, магнезиум, фосфор, сулфур, хлор, железо, манган и бакар.
Начин на негова употреба
Костените имаат широка примена во кулинарството. Тие најчесто се јадат варени, печени или во вид на пире. Варењето и печењето траат додека не се оддели лушпата од внатрешноста на костенот (делот што се јаде). Овој плод може да се користи и за правење палачинки, леб и колачи. Варениот костен е побогат со минерали додека печениот содржи поголема количина енергетски состојки (протеини, масти и јаглехидрати).
Секогаш кога купувате, избирајте сјајни, кафени, свежи и млади плодови. Избегнувајте ги старите и полесните плодови бидејќи се тешки за печење.
Диви костени
Покрај костените што се продаваат на зелените пазари и кои народски се познати како „питоми костени“, постојат и т.н. диви костени.
Дивиот костен не е за јадење бидејќи содржи одредена количина од отровот ескулин. Иако е отровен доколку се внесе во организмот, семето и листовите даваат позитивни резултати при лекувањето на проширени вени и хемороиди. Семето помага во регулирање на зголемена простата, дијареја и треска, а листовите лекуваат настинки и артритис. Екстрактот од семе од див костен ја подобрува циркулацијата.
Лековити својства
Костенот влијае врз правилното функционирање на нервниот систем, има антиоксидативно дејство, го намалува ризикот од кардиоваскуларни болести и ја подобрува работата на мозокот. Се користи против настинки, дијареја и астма. Содржината на растителни влакна дава чувство на ситост, го намалува притисокот во цревата, влијае врз намалување на холестеролот, триглицеридите и количината на токсични супстанции во организмот. Јаглехидратите присутни во костенот даваат енергија што долго трае, а 100 грама костени содржат околу 213 калории.