Научниците кои го истражуваат коронавирусот откриле дека неговите ќелии имаат способност да ги уништат здравите ќелии кои имаат задача да се „борат“ против вирусот. Тим од истражувачи од Универзитетот Фудан во Шангај (Кина) и њујоршкиот Центар за трансфузија ја истражуваа способноста на вирусот да ги убие имуните ќелии, односно тие кои треба да борат со него.

Нивното истражување оваа недела е објавено во медицинското списание Cellular and Molecular Immunology, а со тоа се покажаа како точни стравувањата на лекарите дека овој вирус може да нанесе толку штета на организмот како и кај пациентите болни од ХИВ.

Во овој експеримент научниците ги „споиле“ ќелиите од коронавирусот со лабораториски одгледуваните Т-ќелии.

Токму Т-ќелиите или Т-лимфоцити имаат составна улога и способност на ги пронајдат и уништат надворешните ќелии во организмот. Обично Т-ќелиите се способни да ги заробат ќелиите кои се инфицирани со висурот, да направат дупка и да вбризгаат хемикалија во мембраната која потоа го уништува вирусот и ќелијата. Меѓутоа, она на што не се надеваа научниците е дека коронавирусот ќе ги земе како „заложници“ токму Т-ќелиите кои потоа се неспособни да си ја вршат работата. Сличен експеримент е изведен и со вирусот САРС, но тој немал таков ефект врз Т-ќелиите.

Токму затоа многу обдукциски наоди покажуваат дека кај починатите имало многу мал број на Т-ќелии.

– Овие и другите тестови ќе ни дадат одреден нијансиран пат да дојдеме до управувањето со болеста – изјавил познатиот истражувач и професор Мено ван Зелм.