Американскиот репрезентативец Бредли Бил бил во контакт со личност заразена со коронавирус и поради тоа ќе биде ставен во корона протоколот и ќе биде одвоен од остатокот на дрим тимот.

Бил поради тоа ќе ги пропушти последните контролни натпревари на репрезентацијата на САД пред настапот на Олимписките игри во Токио. Тој во наредните денови ќе биде тестиран неколку пати, иако од кошаркарката федерација не објавија дека се работи токму за Бредли Бил.

Селекторот на САД, Грег Попович ќе може да да го замени Бил доколку кошаркарот на Вашингтон визардс не може да настапи на Олимписките игри.

Во проблеми се наоѓа и репрезентацијата на Шпанија каде Карлос Алосен е позитивен на коронавирус. Младиот шпански кошаркар поради тоа нема да оди во Лас Вегас каде „фуријата“ ќе ги одигра последните контролни натпревари, а исто така нема да биде дел од репрезентацијата на Игрите во Токио.