Директорот на Секретаријатот на Енергетската заедница Јанез Копач, оцени дека оваа година ќе биде одлучувачка за регионот Западен Балкан во однос на прашањето за премин на обновливи извори на енергија и отстапување од користењето фосилни горива.

Копач на форумот „Одржливост на енергетската заедница“ во Виена наведе дека е оптимист кога станува збор за развојот на случувањата кои придонесуваат за одржлив развој не само во енергетскиот сектор, туку и во целиот економски сектор во регионот.

– Црна Гора оваа година воведе национален механизам за декарбонизација, вели тој и додава дека пандемијата од корона вирусот ќе придонесе за убрзување на „зелениот договор“.

Албанија неодамна на тендер ја усвои цената на електричната енергија која се добива од сончева енергија и таа според зборовит на Копач ќе чини под 25 евра за мегават часови, што е навистина многу евтино и е пример за цел регион.

Северна Македонија многу амбициозно го подготвува својот прв климатски план за енергетската заедница кој би требало да биде усвоен наредните месеци.