Комисијата за натпреварување ќе одлучува за случајот „спорна регистрација за фудбалер на ФК Гостивар“
И натаму останува под знак прашалник настапот на фудбалерот Гордијан Христовски и неговата регистрација во тимот на ФК Гостивар, кој се појави на натпреварот од Втората македонска лига против Локомотива Пехчево.
ФК Гостивар ја информираше јавноста дека нема ништо спорно и дека сите играчи играат со дозвола од Фудбалската федерација на Македонија (ФФМ).
Комисијата за натпреварување во рамки на ФФМ откако ќе го добие писмениот извештај од Комисијата за верификација за случајот „спорна регистрација за фудбалер на ФК Гостивар“, ќе одлучува по случајот согласно прописите од правилникот за натпреварување.
Седницата на која Натпреварувачката комисија ќе одлучува е закажана во петок, 24 февруари.
Доколку се докаже дека ФК Гостивар ги прекршил правилата, тогаш нивниот последен натпревар ќе биде регистриран како порази со службен резултат 0:3, но и со одземање на бодови.