Главните ѕвезди од култната серија „Пријатели“ за повратничката епизода добиле меѓу 2,3 и 3 милиони долари, пишува „Hollywood Reporter“.

Шестте актери, Џенифер Анистон, Кортни Кокс, Лиса Кудроу, Мет Лебланк, Дејвид Швимер и Метју Пери се вратија на малите екрани како „Пријатели“ по последно снимање во 2004 година, а нивните животи повторно се под лупата на милиони фанови ширум светот.

Британскиот „Daily Star“ пишуваше за богатството на Метју Пери, односно Чендлер од серијата, а како што велат, тој тежи околу 120 милиони долари. Тој глумеше во сите 236 епизоди од „Пријатели“ меѓу 1994 и 2004 година.

Како и остатокот од главните актери, за првата епизода Пери бил платен нешто повеќе од 22 илјади долари по епизода. Тој износ се искачи на дури еден милион долари по епизода до последната сезона.

Како што пишува „USA Today“ главните актери од „Пријатели“ и денес заработуваат меѓу 18 и 20 милиони долари годишно само благодарение на своите улоги во култната серија, која се реемитува во повеќе делови од светот.

Нормално, Пери глумеше и во бројни филмови, а неговиот живот често беше и под лупа на јавноста поради борбата со алкохолот и дрогата за време на кариерата.

Инаку, фановите се загрижија за Пери кога во неодамнешното интервју за „People“ тој зборуваше нејасно, но подоцна беше објаснето дека претходно истиот ден бил на забар и за време на снимањето бил во болки.

ВИДЕО: Зошто Чендлер се однесуваше чудно во интервјуто со „Пријатели“?