Во италијанскиот фудбал не сакаат ништо да препуштат на случајноста во врска со европската Суперлига. Пораката на клубовите на Апенините е јасна – кој ќе влезе во Суперлигата автоматски ќе биде исфрлен од Серија А.

Според еден од најпознатите спортски новинари во светот, Фабрицио Романо, Италијанската фудбалска федерација одлучила да ја одобри клаузулата со која на италијанските клубови им се забранува влез во Супер лигата.

Италијанската федерација не сака нејзините клубови да учествуваат во кое било натпреварување кое не е под капата на УЕФА, ФИФА и нивната асоцијација. Доколку некој клуб сака да се приклучи на Суперлигата, ќе биде исклучен од Серија А следната сезона.

🚨🇮🇹 Italian Federation FIGC decided to approve clause to prohibit access to the Super League to Italian clubs.

FIGC will not allow to join any competition other than Uefa, Fifa and FIGC ones.

⛔️ If any club joins Super League, it will be excluded from Serie A 2024/2025. pic.twitter.com/FtUcY8saJK

— Fabrizio Romano (@FabrizioRomano) December 29, 2023

Со ова тие испратија порака пред сè до Јувентус, кој од почетокот на идејата беше еден од најголемите иницијатори за формирање на европската суперлига заедно со Реал Мадрид и Барселона.

Темата за формирањето на Европската Суперлига повторно е актуелна откако Европскиот суд на правдата пресуди дека УЕФА и ФИФА не можат да забранат формирање на ново натпреварување, бидејќи ги прекршуваат законите на Европската унија.

Засега Реал и Барселона се единствените кои најавија учество и сè уште ја туркаат таа идеја. Повеќето од најголемите европски клубови одбија да се приклучат.