Брачниот пар Черчил имал обичај секоја вечер да прошета. Во текот на една нивна прошетка, во дворот на прекрасната вила го здогледале домарот кој работел нешто околу вилата.

Меѓутоа, неговото внимание најмногу го одвлекла младата жена. Винстон го забележал тоа, па кога се оттргнале од домарот ја запрашал сопругата:

„Дали забележа дека домарот се заинтересира за тебе“

„Да. Тоа е затоа што одамна се знаеме. Уште во младоста ме симпатизираше“, му признала Клементина.

„Ете, да си се омажила за него би била жена на домар, а не жена на премиер“, насмеано и кажал Черчил.

„Драги, да се омажев за него тој ќе беше премиер, а не домар“, му одговорила Клементина.